अनुष्काका लागि थ्रेट बन्दै ऐश्वर्या

अभिनेत्री अनुष्का शर्माका लागि अर्की अभिनेत्री ऐश्वर्या राय चुनौती बनिरहेकी छिन् । यसको मुख्य कारण हो, तिहारमा रिलिज हुन लागेको फिल्म ‘ए दिल हे मुश्किल’मा ऐश्वर्याको भूमिका ।

यो फिल्ममा अनुष्का र ऐश्वर्या मुख्य भूमिकामा छन् । तर, फिल्मको गीत, टिजर, ट्रेलर सार्वजनिक भैसक्दा ऐश्वर्याको अगाडि अनुष्का फिक्का देखिएकी छिन् । ऐश्वर्या र अभिनेता रणवीर कपुरको अन्तरंग दृश्यका कारण फिल्मको हाइप बढिरहेको छ । साथमा पूर्व विश्व सुन्दरीको सौन्दर्यताको अगाडि अनुष्का फिक्का परिरहेकी छिन् ।

मिडिया र दर्शकको प्रतिक्षामा समेत अनुष्काको अगाडि ऐश्वर्या अगाडि देखिएपछि अनुष्काका लागि पूर्व विश्व सुन्दरी चुनौती बनेकी हुन् ।