बुहारीको अन्तरंग दृश्यमा अमिताभको यस्तो प्रतिक्रिया

तिहारमा रिलिज हुन लागेको चलचित्र ‘ए दिल हे मुश्किल’मा अभिनेत्री ऐश्वर्या राय वच्चनको अन्तरंग दृश्य छ । फिल्ममा उनले अभिनेता रणवीर कपुरसँग दिएको अन्तरंग दृश्यले चर्चा पनि पाइरहेको छ ।

ऐश्वर्याको अन्तरंग दृश्यका कारण उनका पति अभिषेक बच्चन र ससुरा अमिताभ बच्चन रिसाएको चर्चा थियो । बच्चन परिवारले फिल्मको यो दृश्य हटाउन निर्देशक करण जोहरलाई आग्रह पनि गरेको समाचार आएको थियो ।

तर, एक कार्यक्रममा पुगेका अमिताभले दिएको बयानले सबैलाई आश्चर्यमा पारिदिएको छ । पत्रकारले  ऐश्वर्याको दृश्यलाई लिएर सोधेको प्रश्नमा अमिताभले भने-‘मैले अहिलेसम्म फिल्मको टिजर र गीत केही पनि हेरेको छैन ।’

अमिताभले यो प्रतिक्रिया आफूलाई यो प्रश्नबाट बचाउनका लागि दिएको स्पष्ट हुन्छ ।