घोषणा भयो ‘टाइगर जिन्दा हे’, सलमान र कट्रिना देखिदै

‘एक था टाइगर’को सिक्वेल बन्ने भएको छ । यशराज ब्यानरको निर्माण बन्न लागेको यो फिल्ममा अभिनेता सलमान खान र अभिनेत्री कट्रिना कैफ मुख्य भूमिकामा देखिने भएका छन् ।
यो फिल्म सन् २०१७ को क्रिसमसमा रिलिज हुने घोषणा पनि भएको छ । सन् २०१२ ‘एक था टाइगर’ रिलिज भएको थियो । यो फिल्मले भारतीय बक्स अफिसमा १९९ करोड कमाएको थियो ।

अली अब्बास जफरले यो फिल्मको निर्देशन गर्ने भएको छ । ‘एक था टाइगर’लाई कविर खानले निर्देशन गरेका थिए । तर, यसको सिक्वेलमा निर्देशक मात्र परिवर्तन भएका छैनन् सलमानको भूमिका पनि परिवर्तन भएको छ । भारतीय मिडियाका अनुसार सलमान यो फिल्ममा १७ देखि ७० बर्षको उमेरसम्म देखिनेछन् ।