‘ट्वाइलेट’का लागि अक्षयकी हिरोइन फाइनल
बलिउडमा अभिनेता अक्षय कुमार र निर्देशक निरज पाण्डेको केमेष्ट्री खुबै जमेको छ । निरजले निर्देशन गर्ने राष्ट्रियताको बिषयका फिल्ममा अक्षय जमिरहेका छन् । उनै अक्षय र निरजले काम गर्न लागेको नयाँ फिल्म ‘ट्वाइलेटः एक प्रेम कहानी’का लागि अभिनेत्री पक्का गरिएको छ । अनौठो नामको यो फिल्म स्वच्छ भारत अभियान अन्र्तगतमा आधारित छ ।
यसैले पनि नामकै कारण यो फिल्म सुरुवातदेखि नै चर्चामा थियो । यो फिल्मका लागि अभिनेत्री को हुनेछिन् भन्ने कौतुहलता पनि दर्शकमा थियो । फिल्म ‘दम लगाके हैसा’मा काम गरेकी अभिनेत्री भूमी पेडनकेर यो फिल्मका लागि फाइनल भएकी छिन् । भूमीले आफ्नो अघिल्लो फिल्ममा गरेको कामबाट खुबै प्रशंसा बटुलेकी थिइन् । उनले थुप्रै अवार्ड पनि जितिन् ।
