अमिताभसँग काम गर्न लागेको भन्दै आमिरले साटे खुशी

बलिउड अभिनेता आमिर खानले अर्का सुपरस्टार अभिनेता अमिताभ बच्चनसँग काम गर्न लागेको भन्दै खुशी साटेका छन् । उनले ट्विटरबाट अन्तत अमिताभसँग काम गर्न लागेको जानकारी दिएका छन् ।
आमिर र अमिताभलाई एकसाथ पर्दामा ल्याउने काम बलिउडको चर्चित कम्पनी यशराज फिल्मस्ले गर्न लागेको हो । यशराजले बनाउन लागेको नयाँ फिल्म ‘ठग्स अफ हिन्दुस्तान’मा यी दुई सुपरस्टार एकसाथ पहिलो पटक देखिन लागेका हुन् ।

यो फिल्म सन् २०१८ को दिवालीमा रिलिज हुनेछ । फिल्मलाई विजयकृष्ण आचार्यले निर्देशन गर्दैछन् । फिल्मका लागि अभिनेत्री पक्का भएकी छैनन् ।