जान्नुहोस् अकिराको ३ दिने कमाई, सोनाक्षी कती सफल ?

बलिउडमा अभिनेत्रीले मात्र अभिनय गरेका फिल्मको व्यापार त्यती गतिलो हुँदैन । केही अभिनेताका फिल्मले एक दिनमा गर्ने व्यापार अधिकांश अभिनेत्रीले सोलो अभिनय गरेको फिल्मको लाइफ टाइम कलेक्शन पनि भएको पाइदैन ।

अक्षय कुमार, सलमान खान, अजय देवगण जस्ता कलाकारसँग काम गरेर सय करोड क्लबकी रानी बनेकी अभिनेत्री सोनाक्षी सिन्हाको सोलो अभिनय रहेको फिल्म ‘अकिरा’ले औषत सुरुवात गरेको छ । शुक्रबार ५.१५ करोड कमाई गरेको फिल्मले शनिबार ५.३५ करोड कमायो । आइतबार बिदाको दिन फिल्मको व्यापार केही बढ्यो र ६.२० करोड पुग्यो ।

चलचित्रले करिब १७ करोडको कमाई ३ दिनमा गरेको छ । आजबाट विकेन्ड सकिने भएकाले पनि चलचित्रको व्यापार ३० करोडको छेउमा गएर रोकिने देखिएको छ ।