साहरुखको कमाइ ३३ मिलियन डलर, पछि परे हलिउडका चर्चित हस्ती

बलिउड अभिनेता साहरुख खानका फ्यान विश्वमा करोडौ छन् । साहरुख बलिउडका त वादशाह हुन् । फिल्मको अभिनयमा मात्र नभएर उनी कमाइको मामालामा पनि वादशाह नै छन् ।

फोब्स म्यागेजिनले सार्वजनिक गरेको विश्वका कलाकारको आम्दानीको सूचीमा साहरुख आठौ स्थानमा परेका छन् । उनले टम क्रुज, लियानार्दो, ब्राड पीट जस्ता हलिउड हस्तीलाई पछि पारेका छन् ।

साहरुखले एक बर्षमा ३३ मिलियन डलर कमाई गरेको फोब्समा उल्लेख गरिएको छ । अभिनेता अक्षय कुमार ३१.५ मिलियन डलर कमाई गर्दै दशौ स्थानमा अटाएका छन् ।

अभिनेता सलमान खान २८.५ मिलियन डलरका का साथ चौधौ स्थानमा छन् भने अमिताभ बच्चन २० मिलियन डलर कमाइका साथ १८ औ स्थानमा छन् । साहरुख विश्वकै दोश्रो धनी कलाकार हुन्, जसको ६ सय करोड डलर सम्पत्ती छ ।