बबी देवल झुर डीजे बन्दा दर्शकले मागे पैसा

दिल्लीको एक क्लबमा जब अभिनेता बबी देवल डीजे बन्दैछन् भन्ने प्रचार गरियो, दर्शकले टिकट खरिद गर्न तछाडमछाड नै गरे । बबी फिल्मसँग राम्रो डीजे पनि हुन् । दिल्लीको क्लबमा २५ सयदेखि ४ हजारसम्मको टिकट काटेर मानिसहरु पुगेका थिए ।

तर, बबी देवलको कामले दर्शकलाई यती बोर बनायो कि, उनीहरुले टिकटको पैसा नै मागेका थिए । बबीले सन् १९९७ मा रिलिज भएको आफ्नो फिल्म ‘गुप्त’को मात्र गीत बजाएका थिए । दर्शक बोर हुँदै टिकट मागेपछि बबी त्यहाँबाट भागेका थिए । डीजे बबीले झुर शैलीमा काम गर्दा क्लबमा हंगामा नै मच्चिएको थियो ।