प्रागबाट सुरु गरे साहरुखले नयाँ फिल्मको छायांकन

बलिउड अभिनेता साहरुख खान यतिबेला आफ्नो नयाँ फिल्मको छायांकनका लागि प्रागमा छन् । उनले निर्देशक इम्तियाज अलीको नयाँ फिल्मका लागि समय दिएका हुन् । यो फिल्मको छायांकन प्रागमा चलिरहेको छ र साहरुखको सुटिङ हेर्नका लागि मानिसहरुको भीड लाग्ने गरेको छ ।

फिल्मको नाम ‘द रिङ’ राखिएको छ । फिल्ममा अनुष्का शर्मा मुख्य अभिनेत्रीको रुपमा छिन् । साहरुखले फिल्मको छायांकन सुरु गरेसँगै नयाँ भिडियो पनि ट्विटरमा राखेका छन् । उनले आफूलाई प्राग सुन्दर लागेको बताएका छन् । साहरुख र इम्तियाज पहिलो पटक फिल्ममा काम गरिरहेका हुन् ।

साथै साहरुख र अनुष्काको जोडी तेश्रो पटक पर्दामा देखिन लागेको हो । सशक्त फिल्म निर्माणमा इम्तियाज सफल निर्देशकको रुपमा मानिन्छन् ।