‘गोलमाल ४’ मा आलिया र दीपिका दुबैलाई नो इन्ट्री ?

निर्देशक रोहित सेट्टी नयाँ फिल्म ‘गोलमाल ४’ निर्माण गर्दैछन् । यो फिल्ममा अजय देवगण, तुषार कपुर, अरसद वर्सी लगायतका कलाकारले काम गर्ने पक्का भएको छ ।
रोहितका अनुसार उनी यसपछि अर्को नयाँ द्धन्द्धात्मक फिल्म पनि निर्देशन गर्नेछन् । तर, अहिले भने उनी ‘गोलमाल ४’कै तयारीमा छन् ।

यो फिल्ममा अभिनेत्रीको रुपमा दीपिका पादुकोण र आलिया भट्टको नाम खुबै चर्चामा थियो । यो फिल्ममा यी दुइमध्ये कुन अभिनेत्री होलिन् भन्ने चर्चा लामो समयदेखि मिडियामा चलेको थियो ।

तर, रोहितले यी दुबै अभिनेत्री फिल्ममा नहुने स्पष्ट पारिदिएका छन् । उनका अनुसार फिल्मका लागि नयाँ अभिनेत्री खोजिएको छ । आलिया अहिले अरु नै प्रोजेक्टमा व्यस्त छिन् । दीपिकासँग अन्य कुनै फिल्म बनाउने योजना रोहितको छ ।