‘रुस्तम’ सय करोडमा, अक्षयको स्टारडम यो बर्ष उचाइमा

बलिउड अभिनेता अक्षय कुमारको कुनै बेला लगातार १४ वटा फिल्म असफल भएका थिए । उनको करिअर सकिएको चर्चा पनि सुरु भएको थियो । तर, कसैको राम्रो र कसैको नराम्रो मात्र दिन आउँदैन ।

अभिनेता कुमार अभिनित ३ फिल्मले यो बर्ष सय करोड माथिको व्यापार  गरेर नयाँ रेकर्ड राखेका छन् । बलिउडमा कुनै पनि अभिनेताको ३ फिल्मले एउटै बर्षमा सय करोड क्लब जोइन गरेको रेकर्ड छैन ।

अक्षयको यो बर्ष ३ वटा फिल्मले सय करोड माथिको व्यापार गरेका छन् । यो बर्ष ‘एयरलिफ्ट, हाउसफूल ३ र रुस्तम’ले सय करोड कमाई गरेका छन् । फिल्म ‘रुस्तम’ले दोश्रो हप्ताको शनिबारसम्म १०१ करोडको कमाई गरेको छ ।

अक्षयका यो बर्ष ३ वटै फिल्मले निर्माता र वितरकलाई मुनाफा दिएका छन् । योसँगै अक्षय बलिउडमा डिमाण्डेड अभिनेता पनि बनेका छन् ।