‘धुम ४’ मा साहरुख र रणवीर ?

भारतमा यशराज ब्यानरको ब्रान्ड बनेको छ फिल्म ‘धुम’ । यो फिल्मको ३ सिरिज बनाएर यशराज ब्यानरले करोडौ रुपैयाँ कमाइसकेको छ । अब, निर्माता आदित्य चोपडा चौथो सिरिजको तयारीमा छन् ।

चोर र पुलिसको कथामा निर्माण हुने यो फिल्मलाई दर्शकले खुबै मन पराएका छन् । यो फिल्मको मुख्य भूमिकामा लागि विभिन्न कलाकारको नाम सार्वजनिक भैरहेको छ । तर, अब बलिउडका यस्ता २ कलाकारको नाम सार्वजनिक भएको छ, जसले यसको ब्रान्डलाई अझ बढाउनेछ ।

फिल्ममा चोरको भूमिकामा लागि अभिनेता साहरुख खानलाई प्रस्ताव गरिएको छ । साहरुखसँग फिल्मका लागि डेटको बिषयमा कुरा भैरहेको छ । यस्तै, फिल्ममा प्रहरीको भूमिकामा लागि रणवीर सिंहलाई प्रस्ताव गरिएको छ । जुन भूमिकामा पहिलेका सिरिजिमा अभिषेक बच्चन देखिदै आएका थिए ।

अभिनेता सलमान खानले आफू कुनै पनि नकारात्मक भूमिकामा नखेल्ने भन्दै यसको चौथो सिरिजमा चोर बन्न मानेनन् । तर, साहरुखले यसअघि पनि नकारात्मक भूमिकामा फिल्म खेलेर सफलता पाइसकेका छन् ।