‘आँखे २’ बन्ने, छैनन् अक्षय कुमार

सन् २००२ मा रिलिज भएको फिल्म ‘आँखे’को सिक्वेल बन्ने भएको छ । चलचित्रको सिक्वेलको मुम्बइमा एक कार्यक्रमको आयोजना गर्दै घोषणा गरियो ।

यो फिल्ममा अमिताभ बच्चन र अर्जुन रामपाल मात्र दोहोरिनेछन्, अरु सबै कलाकार नयाँ राखिएको छ । फिल्ममा अनिल कपुर, अरशद वारसी, इलियाना डिक्रुज, रेजिना कसैड्रा मुख्य भूमिकामा छन् ।

‘आाखे’लाई विपुल शाहले निर्देशन गरेका थिए भने ‘आँखे २’ लाई अनिस बज्मीले निर्देशन गर्नेछन् । गौरांग दोषी यसका लगानीकर्ता हुन् ।

पहिलो सिरिजमा अमिताभ बच्चन, अक्षय कुमार, अर्जुन रामपाल, परेश रावल, विपशा वासु, सुस्मिता सेन मुख्य भूमिकामा थिए । अक्षय फिल्ममा नभएको बिषयमा अमिताभ बच्चनले भने-‘अक्षय अहिले फिल्म ‘क्र्याक’मा व्यस्त छन् ।’