अरिजित भन्छन्–‘अब सलमानसँग माफी माग्दिन’

फिल्म ‘सुल्तान’मा समावेश ‘जग घुमेया’ बोलको गीतमा आफ्नो आवाज समावेश नभएपछि अभिनेता सलमान खानसँग विवादमा मुछिएका गायक तथा संगीतकार अरिजित सिंहले अब यो बिबादमा नपर्ने बताएका छन् । उनले आफू अब अगाडि बढ्न चाहेको र चाडै नै एक रियालिटी शो होस्ट गर्न लागेको बताएका छन् ।

उनले भनेका छन्–‘यदि मेरो गायकी करिअर सही चलेन भने म म्यूजिकको निर्माता बन्नेछु । मलाई संगीतमा नयाँ चुनौती फेस गर्न मन लाग्छ । अब म चाडै नै एक रियालिटी शोमा निर्णायक बन्दैछु । मेरो यो यात्रामा म खुशी छु ।’ उनले आफू अभिनेता सलमान खानको प्रशंसक भएको बताए ।

साथै उनले आफूले सलमानसँग माफी पनि मागी सकेको बताएका छन् । यो बाहेक आफूले अरु के नै गर्न सक्छु र भन्दै उनले प्रश्न गरेका छन् ? आफूले सलमानको फिल्ममा गीत नगाउँदा यसले ठूलो दुरी कायम नगर्ने उनको भनाई छ । उनले सलमान आफूसँग दुखित हुनुलाई सामान्य पनि भनेका छन् । उनले आफूले सलमानको अपमान नगरेको पनि बताए । उनले अगाडि भने–‘तर, यसको मतलब यो हुँदैन कि, म हरेक पल्ट जाउँ र माफी मागुँ ।’