‘स्टूडेन्ड अफ द इयर’को सिक्वेलमा टाइगर

निर्देशक तथा निर्माता करण जोहरले धर्मा प्रोडक्शनको ब्यानरबाट बन्ने नयाँ फिल्मको घोषण गरेका छन् । उनले ट्विटरबाट फिल्म ‘स्टूडेन्ट अफ द इयर’को सिक्वेल बन्न लागेको औपचारिक घोषणा गरेका छन् । यो फिल्ममा यसको पहिलो भागका कलाकार हुने छैनन् । करणका अनुसार फिल्ममा बलिउडमा सफलताको झण्डा गाड्दै गरेका कलाकार टाइगर श्रफ मुख्य भूमिकामा हुनेछिन् ।

करणले टाइगरको लोकप्रियतालाई हेरेर उनलाई लिने निर्णय गरेको हुनसक्छ । ‘स्टूडेन्ट अफ द इयर’मा बरुण धवन, आलिया भट्ट र सिद्धार्थ मल्होत्रालाई करणले डेब्यू गराएका थिए ।

फिल्ममा टाइगरसँग रोमान्स गर्ने अभिनेत्रीको टुंगो लागेको छैन । तर, टाइगरका लागि करणले दिएको यो ठूलो अवसरको रुपमा हेरिएको छ ।