‘ट्यूबलाइट’मा सलमानसँग चिनियाँ हिरोइन

बलिउडमा थुप्रै सफल अभिनेत्री भित्राएका र धेरैसँग रोमान्स गरिसकेका अभिनेता सलमान खान अब भने एक चिनियाँ अभिनेत्रीसँग पर्दा शेयरिङ गर्दैछन् । उनले अभिनय गर्न लागेको नयाँ फिल्म ‘ट्यूबलाइट’को छायांकन सुरु भएको छ ।

यो फिल्ममा सलमानसँग अभिनेत्री छु छुले काम गर्दैछन् । छु छु चिनमा सफल अभिनेत्री हुन् । उनले टेलिभिजन हुँदै फिल्मको यात्रा चालेकी थिइन् ।

फिल्मलाई कविर खानले निर्देशन गर्दैछन् । कथावस्तु नै दुई देशको भएकाले यसपटक चिनियाँ अभिनेत्री छानिएको कविर खानको भनाई छ । यो फिल्म सन् २०१७ को इदमा रिलिज हुँदैछ ।