फेरि साहरुख-दीपिका

बलिउडमा अभिनेत्री काजोल पछि बादशाह साहरुख खानको जोडीको रुपमा अभिनेत्री दीपिका पादुकोण हिट छिन् । दीपिका पादुकोण र साहरुखले आजसम्म ३ वटा फिल्ममा काम गरेका छन्, जसमा सबै फिल्म हिट छन् । दीपिकालाई बलिउडमा साहरुखले नै फिल्म ‘ओम शान्ती ओम’बाट भित्राएका हुन् । दीपिका पनि साहरुखसँग फिल्म खेल्न हुरुक्क हुन्छिन् ।

फिल्म ‘तन्नु वेड्स मन्नु र यसको सिक्वेल’ बनाएका निर्देशक आनन्द एल रायले साहरुखलाई लिएर एउटा फिल्म बनाउँदैछन् । जसमा साहरुख आफ्नो वास्तविक उचाई भन्दा धेरै कम देखिनेछन् । यो भूमिकालाई साहरुख र आनन्द दुबैले चुनौतीपूर्ण मानेका छन् ।

उनै साहरुखले अभिनय गर्ने पक्का भएको यो फिल्ममा अभिनेत्रीको रुपमा भने दीपिका पादुकोणले काम गर्ने चर्चा छ । दीपिकाले फिल्ममा केही दिनमै काम गर्ने सहमती गर्नेछिन् । किनकी, साहरुखको अभिनेत्री बन्न दीपिकाले कहिले पनि नाई भन्दिनन् ।