‘बाघी २’मा को ? श्रद्धा कि ज्याकिलन ?

अहिले बलिउडमा अभिनेत्रीहरुविच ठूला र चर्चित ब्यानरमा कसले काम गर्ने भन्ने प्रतिस्पर्धा नै छ । अर्की अभिनेत्रीले काम गर्न लागेको फिल्म हत्याउनु अर्की अभिनेत्रीको काम नै भएको छ । फिल्म ‘वाघी’मा श्रद्धा कपुरले अभिनेता टाइगर सराफसँग काम गरेकी थिइन् ।

यो फिल्म हिट भएसँगै निर्माता साजिद नाडियडवालाले यसको सिक्वेल घोषणा गरेका थिए । अब, यसको सिक्वेलमा अभिनेत्री को हुने भन्ने चर्चा सुरु भएको छ ।

भारतीय मिडियामा अहिले श्रद्धासँगै अभिनेत्री ज्याकलिन फर्नान्डेजको नाम अगाडि आएको छ । ज्याकलिनले यो फिल्मको सिक्वेलमा श्रद्धालाई रिप्लेस गर्न सक्ने खबर आइरहेका छन् ।

ज्याकलिनले फिल्म ‘हाउसफूल ३’मा काम गरेकी थिइन्, जसलाई साजिदले नै निर्माण गरेका थिए । टाइगरसाग आखिर कुन अभिनेत्रीले काम गर्लिन् ? चर्चा सबैतिर छ ।