आलियाले सिद्धार्थलाई प्रेमीको रुपमा स्विकारिन्
प्रेममा परेपनि बलिउडका धेरै कलाकार त्यसलाई सार्वजनिक गर्न चाहदैनन् । गोप्य रुपमै डेटमा मस्त रहने अधिकांश बलिउड कलाकार मिडियामा आएका रिपोर्टलाई पनि गलत भनिदिन्छन् ।
लामो समयदेखि प्रेममा रहेपनि बलिउड अभिनेता सिद्धार्थ मल्होत्रा र अभिनेत्री आलिया भट्टले एक अर्काको प्रेमलाई स्विकार गरेका थिएनन् । तर, केही दिन पहिला आलिया र सिद्धार्थ लण्डनमा भेटिएका थिए । उनीहरु छुट्टी मनाउनका लागि लण्डन पुगेका थिए ।
लण्डन जानु अगाडि आलियाले आफ्नै घरमा पार्टीको आयोजना गरेकी थिइन् । आफ्ना नजिकका साथीलाई मात्र बोलाइएको सो पार्टीमा आलियाले सिद्धार्थलाई प्रेमीको रुपमा परिचित गराएकी थिइन् । त्यसको भोलीपल्ट यी दुई एकसाथ मुम्बइ एयरपोर्टमा पुगेका थिए । आलियाले मिडियासाग तस्बिर खिचाएपनि सिद्धार्थ भने केही टाढा रहने कोशिश गरेका थिए ।
