रामबाबुको ‘पुरानो डुङ्गा’ मा दयाहाङसँग प्रियंका रिसाउनी (टिजर गीत र पोस्टर रिलिज)

रामबाबु गुरुङ निर्देशित फिल्म ‘पुरानो डुङ्गा’ को टिजर गीत र अफिसियल पोस्टर रिलिज गरिएको छ । पोस्टरमा दयाहाङ राई, प्रियंका कार्की, माओत्से गुरुङ र मेनुका प्रधान छन् भने गीतमा प्रियंका र दयाहाङ मात्रै छन् । काली प्रसाद बाँस्कोटाको संगीत तथा स्वर रहेको ‘पुरानो डुङ्गाा’ को टिजर सङ्ग हेर्नुस् :

माओत्से गुरुङको कथामा रामबाबु र उपेन्द्र सुब्बाको स्क्रिप्ट रहेको फिल्म ‘पुरानो डुङ्गाा’ लाई शैलेन्द्र डि.कार्कीले खिचेका हुन् । मंसिर १० गतेदेखि प्रदर्शनमा आउने यो प्रतिक्षित फिल्ममा दयाहाङ, प्रियंका, माओत्से र मेनुकासँगै डिवी गुरुङ, बुद्धि तामाङ लगायतको अभिनय रहेको छ ।