बेल्जियममा खिचिएको ‘नमस्ते नेपाल’ आजदेखि आयो अल नेपाल

सम्पूर्ण छायाँकन बेल्जियममा गरिएको फिल्म ‘नमस्ते नेपाल’ आजदेखी अल नेपाल प्रदर्शनमा आएको छ । द्वारिक उदय प्रोडक्सनको प्रस्तुती रहेको फिल्ममा एक्सन हिरो सविन श्रेष्ठ मुख्य भूमिकामा प्रस्तुत भएका छन् ।

राजु शाहको लेखन तथा निर्देशन रहेको फिल्म ‘नमस्ते नेपाल’ विदेशमा बस्ने नेपालीको नेपालप्रतिको मोहसँग सम्बन्धित छ । यो सँगै फिल्ममा कमेडी र एक्सनको प्याकेज पनि रहेको छ । बिहिबार चावाहिलस्थित चलचित्र विकास वोर्डको हलमा विशेष शोको आयोजना गरिएको थियो । जहाँ फिल्म निर्माण युनिटसँगै सञ्चारकर्मी र सिमित फिल्मकर्मी उपस्थित थिए । फिल्ममा सविनसँगै बेल्जियम हिरोइन एना, बेल्जियममै बसोबास गर्ने श्याम श्रेष्ठ, हाँस्य कलाकार गोपाल ढकाल लगायतको अभिनय रहेको छ ।

दिव्यराज सुवेदीको छायाँकन रहेको फिल्ममा चन्द्र पन्तको अभिनय रहेको छ । फिल्ममा फाइट निर्देशक पन्तले पनि अभिनय गरेका छन् । प्रदीप कुमार उदय, मन्दिरा श्रेष्ठ र सृजु शाहले संयुक्त रुपमा ‘नमस्ते नेपाल’ निर्माण गरेका हुन् ।