ऋचालाई मन पर्यो बिनिताको ‘जुइनो’
‘चपली हाईट गर्ल’ बिनिता बरालले ‘जुइनो’ सार्वजनिक गरेकी छिन् । बिहिबार भृकुटीमण्डपस्थित पर्यटन बोर्डको प्राङ्गणमा बिनिताले आफ्नो पहिलो कृतिसार्वजनिक गरेकी हुन् । लेखक बराल र नायिका ऋचा शर्माले संयुक्त रुपमा ‘जुइनो’ लाई लोकार्पण गरेका थिए ।
‘जुइनो’ मा मज्जाको कुरा के छ त ? बिनिताले भनिन्, ‘यसमा दुई पात्रको प्रेम नै मज्जाको छ ।’ कृषि पेशामा आवद्ध कथा र अशोकको प्रेम गज्जवको रहेको बिनिताले दाबी गरिन् । यता ‘जुइनो’ माथि बिनितासँग केही बेर अन्र्तक्रिया समेत गरेकी नायिका ऋचा शर्माले आफुलाई बिनिताको लेखन शैली अत्यन्त मन परेको बताइन् । ऋचाले भनिन्, ‘मैंले ‘जुइनो’ पढ्नु अघि यस्तो होला भनेर सोचेको थिइँन् । तर, उल्टो पाएँ । बिनिताको लेखन शैली साँच्चै राम्रो छ ।’
बिनिताले ‘जुइनो’ माथि फिल्म बन्न सक्ने सम्भावनालाई समेत सकारात्मक रुपमा लिएको बताइन् । उनले भनिन्, ‘राम्रो प्रस्ताव आयो भने ‘जुइनो’ मा फिल्म पनि बन्न सक्छ ।’ बिनिताको ‘जुइनो’ विमोचनमा थुप्रै साहित्यिक क्षेत्रका व्यत्तिहरुको सहभागीता थियो । ‘जुइनो’ लाई फाइन प्रिन्टसले बजारमा ल्याएको हो । आफ्नो पहिलो कृति बजारमा ल्याउन बिनिता केही सात अघि अमेरिकाबाट नेपाल आएकी थिइन् ।
