रेखा फेरी निर्देशक : प्रस्तुतीकरण हुनेछ फरक

नायिका तथा निर्मात्री रेखा थापा फेरी पनि फिल्म निर्देशनको मैदानमा उत्रिने भएकी छिन् । रेखा फिल्मस्बाट बन्ने नयाँ फिल्मलाई आफैंले निर्देशन गर्ने रेखाले निर्णय लिएकी हुन् ।

‘कथा नै आफैंले निर्देशन गर्नु पर्ने खालको छ’ ‘हिम्मतवाली’ पछि एक्सन कटमा निस्कने तयारीमा रहेकी रेखाले फिल्मको कथावस्तु बारे छोटकरीमा भनिन्, ‘नारी शशक्तिकरण र सामाजिक सन्देशयुक्त फिल्म बनाउँछु । मेरो फिल्ममा मनोरञ्जन त भैहाल्छ । प्रस्तुती फरक रहनेछ ।’ शिर्षक तय हुँदै गरेको फिल्ममा रेखा स्वयम् शिर्ष भूमिकामा रहनेछिन् ।

आमा सरस्वती थापा निर्माताको रुपमा रहने नयाँ फिल्ममा रेखाले नयाँ हिरो पनि जन्माउँदैछिन्, जसको खोजी कार्य भैरहेको छ । नयाँ वर्षमा प्रदर्शन हुने फिल्मको दशैं पछि छायाँकन सुरु हुनेछ ।