ओलीको सरकार ढल्दा सेलिव्रेटीको यस्तो प्रतिक्रिया : निश्चलले लेखे, ‘देश डुबाउने भए’

पुष्पकमल दाहाल ‘प्रचण्ड’ नेतृत्वको एमाओवादीले आफ्नो समर्थन फिर्ता लिएपछि केपी शर्मा ओली नेतृत्वको सरकार ढलेको छ । ९ महिनामै सरकार ढलेपछि नेपाली फिल्म क्षेत्रका व्यत्तिहरुले पनि सामाजिक सञ्जाल मार्फत आफ्नो विचार सार्वजनिक गरेका छन् ।

निर्देशक निश्चल बस्नेत लेख्छन्, ‘सरकार ढाल्ने र प्रधानमन्त्री को हुने भन्ने घटिया खेलमै बित्ने भो तिमिहरुको जिन्दगी । देश डुबाएरै छाड्ने भए दुःखी आत्माहरुले ।’ ‘पशुपति प्रसाद’ का निर्देशक दिपेन्द्र के.खनालले सरकार ढलेकोप्रति छोटकरीमा लेखेका छन्, ‘बरु एउटा क्यालेन्डर नै बनाउनु नि, कहिले को प्रधानमन्त्री बन्ने ?’

यता डा.बाबुराम भट्टराईको नयाँ शक्तिकी सदस्य करिश्मा मानन्धरले भने ढलेको केपी सरकारप्रति केही पनि प्रतित्रिया दिएकी छैनन् । उनले आफ्नो प्रोफाइल पिक्चर मात्रै परिवर्तन गरेकी छिन् । समाजिक सञ्जालमा सक्रिय राजेश हमाल, रेखा थापा, केकी अधिकारी, प्रियंका कार्की, दिपकराज गिरी लगायत सेलिव्रेटीले भने ढलेको सरकार प्रति आफ्नो विचार व्यत्त गरेका छैनन्, उनीहरु मौन छन् ।