निखिलको ‘भैरव’ खेलेका रविनको संचितासँग ‘गुनगुन’

नायिका संचिता लुईंटेल ‘राधा’ पछि अर्को एक फिल्ममा शिर्ष भूमिका निभाइरहेकी छिन् । छायाँकनरत फिल्म ‘गुनगुन’ मा संचिताको शिर्ष भूमिका छ । पुकार भट्टराईको निर्देशन रहेको फिल्म ‘गुनगुन’ मा संचिताको अपोजिटमा नायक रविन होड सेन प्रस्तुत भएका छन् ।

सिक्स प्याक वडी र कुशल नृत्य कला भएका रविन रेखा थापाले निर्माण तथा निर्देशन गरेको फिल्म ‘हिम्मतवाली’ बाट डेव्यु भएका हुन् । नायक निखिल उप्रेतीले निर्माण तथा निर्देशन गरेको फिल्म ‘भैरव’ मा पनि रविनले अभिनय गरेका छन् । जहाँ उनले एक्सनका दृश्य पनि दिएका छन् ।

बुझिए अनुसार फिल्म ‘गुनगुन’ नेपाली फिल्ममा आफुलाई स्टार बनाउन लागि परेकी एक युवतीको कथा हो । सौरभ लामाको छायाँकन रहेको फिल्ममा हिमाल केसीको द्धन्द्ध निर्देशन र रामजी लामिछानेको नृत्य निर्देशन रहेको छ ।