‘लप्पन छप्पन’ मा भिलेन बर्षा : प्रतिक्रिया कस्तो आउँला ?

फिल्म ‘पशुपति प्रसाद’ मा निभाएको छोटो भूमिकाबाटै धेरैको मन जितेकी नायिका बर्षा सिवाकोटी यतिबेला नयाँ फिल्म ‘लप्पन छप्पन’ को छायाँकनमा व्यस्त छिन् । यो ग्याङस्टार फिल्मकी बर्षा सोलो हिरोइन हुन् । मुकुन्द भट्टले निर्देशन गरिरहेको फिल्ममा बर्षासँगै सौगात मल्ल, दयाहाङ राई र अर्पण थापाले मुख्य भूमिका निभाएका छन् ।

फिल्म ‘लप्पन छप्पन’ मा नायिका बर्षा सिवाकोटी भिन्न भूमिकामा प्रस्तुत भएकी छिन् । बुझिए अनुरसार फिल्ममा उनको नेगेटिभ अर्थात् लेडी भिलेनको भूमिका छ । तर बर्षाले भने आफ्नो भूमिका अहिले नै खुलाउन नमिल्ने बताइन् । उनले छोटकरीमा भनिन्, ‘भूमिका चाहिं फरक नै छ । तर, सबै खुलाउन मिल्दैन ।’ ‘पशुपति प्रसाद’ मा नबोल्ने भूमिका निभाएर सबैको मन जितेकी बर्षाको नेगेटिभ भूमिकाले कस्तो प्रतित्रिया पाउँला ? प्रतिक्षा गरौं ।

बेल्जियम, स्विजरल्यान्ड र नेदरल्यान्डमा खिचिएको फिल्म ‘लप्पन छप्पन’ को हाल नेपालमा अन्तिम चरणको छायाँकन हुँदैछ । डम्बर बहादुर चन्द र ईन्द्र खरेलको संयुक्त लगानी रहेको फिल्मलाई पुरुषोत्तम प्रधानले खिचिरहेका छन् भने द्धन्द्ध निर्देशन चन्द्र पन्तको रहेको छ ।