यस्तो छ नायक खतिवडाको ‘पर्शुराम’ लुक्स
फिल्म ‘पर्शुराम’ को पहिलो पोस्टर सार्वजनिक गरिएको छ । दाङमा छायांकन गरिएको यो फिल्म घोराहीमा पत्रकार सम्मेलन गरी पोस्टर सार्वजनिक गरिएको हो । एक्सन फिल्ममा नायक किशोर खतिवडा र जानभी बस्नेत मुख्य जोडीको रुपमा प्रस्तुत भएका छन् ।
८० लाख लगानी दाबी गरिएको फिल्म ‘पर्शुराम’ मा यादव सैघालि, राजभक्त राना, सविन प्रियासनको लगानी छ । फिल्मको ९० प्रतिशत छायाँकन दाङमा र पाँच मध्ये २ वटा गीतको छायाँकन सौराहा, लुम्बीनी, पाल्पा, पोखरामा गरिएको छ ।
साउनको दोस्रो सातादेखि प्रदर्शनमा ल्याउने लक्ष्य राखिएको फिल्म ‘पर्शुराम’ मा नव कलाकार नवराज रावत र स्वस्ती क्षेत्रीसँगै सुशील पोख्रेल, ध्रुवराज अधिकारी, यादव सैघाली राज राना, प्रस्तुतकर्ता बुढाथोकी, निर्माता गिरीको अभिनय रहेको छ ।
