रुचाइयो कर्णालीको कथा : बढ्दैछ ‘कालो पोथी’
कर्णालीको कथा भन्ने फिल्म ‘कालो पोथी’ ले प्रदर्शनको चौधो दिनमा पनि दर्शकलाई हलसम्म आकर्षण गरिरहेको छ । ‘वर्ड अफ माउथ पब्लिसीटि’ राम्रो आएपछि मल्टिप्लेक्समा दर्शकको चाप उच्च रहेको हल सञ्चालक बताउँछन् । तीन दिनमै ४० लाखको ग्रस कलेक्सन गर्न सफल ‘कालो पोथी’ अगामी शुक्रबारदेखि एकल पर्दामा पनि प्रदर्शन हुनेछ ।
मिन बहादुर भाम निर्देशित फिल्म ‘कालो पोथी’ ले कर्णालीको मुगु जिल्लाका दुई बालकको गहिरो मित्रताको कथालाई पेश गरेको छ । फिल्ममा खड्गराज नेपाली, शुक्रराज रोकाय, जितबहादुर मल्ल, हन्सा खड्का, वेनिशा हमाल, नन्द प्रसाद खत्री, विपिन कार्की र प्रियंका खतिवडाको पनि फिल्ममा मुख्य भूमिका रहेको छ । सुरुवातमा ६ शो दिएको क्युएफएक्स मुभिजले बढाएर १० शोमा पुर्याएको छ । ‘कालो पोथी’ टिमसँग गरिएको मज्जाको कुराकानी हेर्नुस् :
