चलचित्र पत्रकार संघको १७ औं वार्षिक उत्सव : डब्बुलाई सम्मान तुलसी र श्यामलाई पुस्कार

चलचित्र पत्रकार दिवसको अवसरमा नेपाल चलचित्र पत्रकार संघले तीन चलचित्र पत्रकारलाई सम्मान तथा पुरस्कार वितरण गरेको छ ।

आफ्नो १७ औं बार्षिक उत्सवको अवसरमा संघले डब्बु क्षेत्रीलाई चलचित्र पत्रकार सम्मान २०७३ प्रदान गर्यो भने तुलसी गिरी र श्याम अर्याललाई पत्रकारीता पुरस्कार २०७३ प्रदान गर्यो । सूचना तथा संचार मन्त्री शेरघन राईले सम्मानित तथा पुरस्कृत तीन जना चलचित्र पत्रकारलाई सम्मान पत्र हस्तान्तरण गरे ।

सम्मानित तथा पुरस्कृत तीनै जना पत्रकारले विभिन्न ब्राण्डका आधा दर्जन बढी पुरस्कार प्राप्त गरे । पुरस्कृत श्याम र तुलसीलाई पन्ध्र हजार पाँच सय पचपन्न रुपैयाँ समेत प्रदान गरियो ।

यस्तै चलचित्र पत्रकार संघले गत बर्षको भूकम्पबाट प्रभावित ९ जना पत्रकारलाई पच्चीस र तीन जना पत्रकारलाई दश हजारको दरले वितरण गरियो ।

भूकम्प प्रभावित पत्रकारलाई वितरण गरिएको नगद नायिका प्रियंका कार्की, पल्लवी भट्ट, निर्माता रामु ढुंगाना, गायक राजेश पायल राई र कलाकार ध्रव दत्तले सहयोग गरेका थिए ।