कता जालान् दर्शक, वृद्ध बनेका आर्यन कि वुद्ध बोकेका रमिततिर ?

यो शुक्रबार दुई नेपाली फिल्महरु प्रृदर्शनमा आउँदैछन् । शिक्षाको महत्वलाई दर्शाइएको फिल्म ‘होमवर्क’ र सिद्धार्थ गौतम वुद्ध नेपालमै जन्मिएका हुन भन्ने विश्वलाई विश्वास दिलाउने फिल्म ‘वुद्ध वर्न इन नेपाल’ले जेठ ७ गते देशका हल बाँडफाँड गरेकाछन् । यी दुई फिल्महरुबारे छोटो चर्चा गरौं ।

‘होमवर्क’
निरक पौडेल निर्देशित यो फिल्ममा नायक आर्यन सिग्देल दुई भिन्न भिन्न भूमिकामा प्रस्तुत भएका छन् । चलि आएको चकलेटी र वृद्धको भूमिकामा आर्यन ‘होमर्वक’मा देखिएका छन् । चकलेटी रुपले दर्शक तान्दै आएका आर्यनको वृद्ध भूमिका उनका लागि नयाँ परिक्षा बन्न सक्छ । दुई अवतारका आर्यनसँग अभिनेत्री गौरी मल्ल र नायिका नम्रता श्रेष्ठले रोमान्स गरेका छन् । ‘होमवर्क’को ‘के तिमी साँच्चै रिसाएकै हौं ?’ भन्ने बोलको गीतलाई दर्शक तथा श्रोताले रुचाएका छन् । गीत हेर्नुस् :

‘वुद्ध वर्न इन नेपाल’
ज्ञानेन्द्र देउजा निर्देशित यो फिल्ममा निर्माता समेत रहेको रमित ढुंगाना मुख्य भूमिकामा प्रस्तुत भएका छन् । वुद्ध नेपालमै जन्मिएका हुन् भन्ने विश्वास दिलाउन फिल्म निर्माण गरेका नायक तथा निर्माता ढुंगानाले आफ्नो फिल्मको प्रचार प्रसारलाई व्यापक बनाउने कोशिस गरेका छन् । ‘वुद्ध वर्न इन नेपाल’ मा उनी सहित नायिका अशिष्मा नकर्मी, वरिष्ठ कलाकार मिथिला शर्मा अनि हलिउडकी मोडलको समेत अभिनय रहेको छ । गीत हेर्नुस् :

भोलिदेखि प्रदर्शनमा आउने यी दुई भिन्न स्वादका फिल्म मध्ये कसले व्यापारिक बाजी मर्ला ? दर्शक कता जालान् ? प्रतिक्षा गरौं ।