निखिलको भरमा नीता, नत्र करिअर नै धरापमा

केही कलाकार यस्ता पनि हुन्छन्, जसको करिअर कति बेला ओरालो लाग्छ थाहा हुँदैन । अभिनेत्री नीता ढुंगानालाई हेर्ने हो भने अहिले यस्तै भएको छ । उनको करिअर पूर्ण ओरालो लागेको छ । ‘फूलै फूलको मौसम तिमीलाई’ चलिदिएको भए के हुन्थ्यो होला, नीता अहिले यस्तै सोच्दैछिन् । फिल्म चल्दा चर्चामा रहेका उनका प्रेमी आमेष भण्डारी पनि अहिले चुपचाप छन् ।

नीताको बिषयमा न त मिडियामा खासै चर्चा हुन्छ न त फिल्म नगरिमा नै । फिल्म नगरिमा नयाँ नयाँ अनुहार आएकाले पनि नीतालाई अब आफ्नो करिअर जोगाउन गाह्रो पर्न सक्छ । उनी अब अभिनेता निखिल उप्रेतीसँगको फिल्म ‘निर्भय’कै भरमा छिन्, जसले उनको डुब्दो करिअर बचाउन सक्छ । यो फिल्मको सुटिङ चाडै नै सुरु हुँदैछ ।