मल्लिकाले गरिन् प्रेमीसँग बिहे

बलिउड अभिनेत्री मल्लिका सेरावतले सुटुक्क पेरिसमा बिहे गरेकी छिन् । ३९ बर्षकी मल्लिकाले प्रेमी साइरिल आक्जेनफेन्ससँग बिहे गरेकी हुन् । २ दिन पहिला पेरिसमा मल्लिकाले बिहे गरेको भारतीय मिडियाको दाबी छ । मल्लिकाका पिता मुकेशले यो कुरा पक्का गरेका छन् । उनका अनुसार चाडै नै रिसेप्सन पार्टी पनि दिइनेछ ।

साइरिल पेरिसका रियल एस्टेट व्यापारी हुन् । केही महिनादेखि यो जोडी डेटमा थियो । मल्लिकाले केही दिन अगाडि सामाजिक संजालमा फोटो शेयर गरेकी थिइन् । एक साथीका कारण यी दुइको भेट भएको थियो । बलिउडमा सेक्सी छवि बनाएकी मल्लिका केही बर्षदेखि फिल्म असफलताले खासै चर्चामा थिइनन् । यो बर्ष बलिउडमा बिहे र डिभोर्सको क्रम नै चलेको छ ।