टाइगरको फिल्म चल्यो, अब समय प्रेमिकालाई

अहिले बलिउडका अभिनेता टाइगर श्राफ चर्चित छन् । उनले अभिनय गरेको फिल्म ‘बाघी’ले बक्स अफिसमा राम्रो व्यापार गरेपछि उनलाई नयाँ स्टारको रुपमा हेरिएको छ । टाइगर पनि व्यापारको खबरले खुशी छन् ।

फिल्मको प्रचारमा समय दिएर अन्यतिर समय दिन नभ्याएका टाइगर अब भने केही समय आनन्दको जीन्दगी जिउने तयारीमा छन् । भारतीय मिडियाको दाबीलाई मान्ने हो भने टाइगर बिदा मनाउन चीन जाँदैछन् ।

चीनमा उनकी प्रेमिका दिशा पटानी एक फिल्मको छायांकनमा व्यस्त छिन् । टाइगर उनीसँगै समय बिताउन चीन जान लागेको भारतीय मिडियाको दाबी छ । दिशा टाइगरसँग  गहिरो प्रेममा छिन् । उनीहरु फिल्म हेरेर फर्कदै गर्दा पनि स्पोर्ट भएका थिए ।