बिक्यो श्रद्धा र टाइगरको स्टारडम

दोश्रो फिल्मबाट नै बलिउड अभिनेता टाइगर श्राफले आफ्नो स्टारडम बिकेको छनक दिएका छन् । पहिलो फिल्म ‘हिरोपन्थी’ले राम्रो कमाई गरेपछि उदाएका टाइगर दोश्रो फिल्मबाट भने जम्ने तयारीमा छन् । उनले अभिनय गरेको फिल्म ‘वाघी’ले ३ दिनमा ३८ करोडको व्यापार गरेको छ । यो बर्ष हालसम्म रिलिज भएका फिल्म मध्ये यो तेश्रो विकेन्ड कमाई हो ।

पहिलो दिन ११.९४ करोड कमाई गरेको फिल्मले दोश्रो दिन ११.१३ करोड कमायो । आइतबार बिदाको दिन १५.५१ करोडको कमाई गर्दै फिल्मको व्यापार ३८.५८ करोड पुगेको हो । फिल्मल यही गतीमा कमायो भने सय करोडको आँकडा छुन सक्छ ।