‘रोल्पा रोग’लाई पीजी, अभिभाव लिएर गए हेर्न इजी

शुक्रबारदेखि नेपालभर रिलिज हुने फिल्म ‘रोल्पा रोग’लाई चलचित्र सेन्सर बोर्डले पीजी सर्टिफिकेट दिएको छ । द्धन्द्धका केही दृश्य र माओवादीलाइ गाली गरेको भन्दै पीजी सर्टिफिकेट दिइएको हो । अब यो फिल्म हेर्न १६ बर्ष मुनिका बालबालिकालाई बाबुआमाको साथ चाहिनेछ ।

यो फिल्म वैशाख २४ गतेबाट रिलिज हुँदैछ । फिल्मलाई दीपक वलीले निर्देशन गरेका हुन् । तत्कालिन माओवादी जनयुद्ध र ३ साथीको कथालाई फिल्ममा उठान गरिएको छ ।

फिल्ममा शिशिर भण्डारी मुख्य भूमिकामा छन् । साथमा कुलदिप धर्ती, जनक धर्तीमगरको फिल्ममा मुख्य भूमिका छ । सेन्सरबाट फिल्मले राम्रो प्रतिक्रिया पाएको छ ।