साहरुखसँग करिनाको जोडी ?
अभिनेता साहरुख खान र अभिनेत्री करिना कपुरले केही हिट फिल्ममा काम गरिसकेका छन् । फिल्म ‘कभी खुशी कभी गम होस् या रा वन’, यी दुइले एकसाथ काम गरे ।
अब, यो जोडीलाई फेरि अर्का एक चर्चित निर्देशकले एकसाथ ल्याउन लागेको चर्चा छ । आनन्द एल राइको निर्देशनमा बन्न लागेको एक फिल्ममा यी दुइले एकसाथ काम गर्न लागेको भारतीय मिडियाको दाबी छ ।
साहरुख यो फिल्ममा होचो मानिसको भूमिकामा देखिनेछन् । उमेर अनुसार उचाई बढ्न नसकेको मानिसको भूमिकामा देखिन लागेका साहरुखसँग करिनाको जोडी जमाउने तयारी निर्देशकको छ । आनन्द यो फिल्मलाई आफ्नो महत्वकांक्षी प्रोजेक्ट मान्छन् । करिना कपुर र साहरुखले एकसाथ काम गरे भने, ‘रा वन’ पछि यी दुइलाई पर्दामा हेर्न चाहने दर्शकको चाहना पुरा हुनेछ ।
