निखिलसँग अनुपको भिडन्त, हिरो कि भिलेन चकलेटी हिरो ?

अभिनेता निखिल उप्रेतीसँग अब अर्का चकलेटी अभिनेता अनुप विक्रम शाहीको भिडन्त हुने भएको छ । निखिललाई लिएर निर्देशक सविर श्रेष्ठले फिल्म ‘किङ’ बनाउँदैछन् । फिल्ममा अभिनेत्री वेनिशा हलमा निखिलको जोडीको रुपमा देखिदैछिन् ।

अब, यो फिल्ममा अभिनेता अनुप विक्रम शाहीको पनि प्रवेश भएको छ । अभिनेता शाही फिल्ममा भिलेनको रुपमा देखिदैछन् । अनुप यसअगाडि मात्र यो फिल्ममा भिलेन बनेका होइनन् ।

चकलेटी अनुहारका धनी अनुप हिरो हुन् कि भिलेन अब छुट्टयाउन गाह्रो पर्ने अवस्था छ । उनले फिल्म ‘हँसिया, हाउ फन्नी’मा खलपात्रको भूमिका निर्वाहा गरिसकेका छन् ।