रमितसँग अशिष्माको असन्तुष्टी, प्रचारमा पनि नदेखिने

निर्माता तथा अभिनेता रमित ढुंगानाले आफ्नो फिल्म ‘बुद्ध बर्न इर्न नेपाल’को प्रचार सामाग्रीमा कुनै स्थान नदिएपछि अभिनेत्री अशिष्मा नकर्मी चिढिएकी छिन् । उनले, अब फिल्मको प्रचारमा समेत नहिड्ने बताउन थालेको सुनिएको छ ।

फिल्मको केही दिन अगाडि सार्वजनिक ट्रेलरमा समेत अशिष्मा मुख्य अभिनेत्री भएपनि कुनै दृश्य छैन । केही दिन अगाडि फिल्मको च्यारेटी शो आयोजना गर्दा बोलाएर पनि स्टेजमा स्थान नदिएपछि अशिष्माले यसलाई वेइज्जत गरेको ठानेकी छिन् ।

यसैले अशिष्मा अब यो फिल्मको बिषयमा नबोल्ने बताउन थालेकी छिन् । यसैले पनि होला अशिष्माले अब ‘बुद्ध बर्न इन नेपाल’को बिषयमा कुनै शब्द बोल्ने छैनन् । वुझ्नमा आए अनुसार अशिष्मा र निर्माता तथा अभिनेता रमित ढुंगानाको सम्बन्ध पहिलेदेखि नै राम्रो छैन ।