रणदीपले मन जितेको ‘सरवजित’ ट्रेलर

पाकिस्तानी जेलमा थुनिएका भारतीय नागरिक सरवजितको कथामा तयार भएको फिल्म ‘सरवजित’को ट्रेलर सार्वजनिक भएको छ । रणदिप हुड्डा र ऐश्वर्या राय यो फिल्ममा मुख्य भूमिकामा छन् । रणदिप फिल्मको शिर्ष भूमिकामा छन् भने ऐश्वर्या उनको दिदीको भूमिकामा देखिएकी छिन् ।

रणदिपले जेल जानु अगाडिको सरवजित र जेल गैसकेपछिको सरवजितको भूमिकामा आफूलाई न्याय गरेको देख्न सकिन्छ । यसका लागि उनले १८ केजी तौल पनि घटाएका थिए । उमंग कुमारले यो फिल्मको निर्देशन गरेका हुन् । यो फिल्म मे २० मा रिलिज हुँदैछ ।