हलमा रेखाको हाई हाई, दर्शकको साथ ‘राम प्यारी’लाई (भिडियो सहित)
हलमा कुनै पनि फिल्मले बम्पर व्यापार गर्दा अनि दर्शकको ‘हाई’ ‘हाई’ पाउँदा उक्त फिल्मसँग जोडिएको नायकलाई दर्शकले अपार माया दिन्छन् । हल हलमा पुग्दा दर्शकले बोक्छन् अनि उचाल्छन्, यो नियमित जस्तै बनिसकेको छ । तर तपाईंले कहिल्यै नायिकालाई भीडले उचालेको देख्नुभएको छ ?
छैन् भने अन छैन् उत्तरमा अब नअल्झिनुस्, सुपरस्टारको दर्जा पाएकी शुक्रबार रिलिज फिल्म ‘रामप्यारी’ नायिका रेखा थापा राजधानीको गोपिकृष्ण हलमा पुग्दा, मज्जाको क्यामेराले यस्ता दृश्य कैद गर्यो, जहाँ दर्शकले रेखालाई बोके, उचाले अनि ‘रेखा’ ‘रेखा’को नारा बोले ।
दृश्य देख्दा लाग्थ्यो, रेखा थापा हिरोईन् होईनन् हिरो नै हुन् । त्यसो त आफ्ना हरेकजसो फिल्ममा आफै हिरो रहेको बोल्ने रेखा साँच्चिकै हिरो रहेको कुरा उक्त दृश्यले प्रमाणित गर्थ्यो । ‘रामप्यारी’ले रिलिजको पहिलो दिन नै बम्पर ओपनिङ गरेको छ ।
पहिलो दिन ‘रामप्यारी’को औसत अकुपेन्सी ९० प्रतिशत भन्दा माथी छ । रेखा थापाको स्टारपावरकै कारण सबिर श्रेष्ठ निर्देशित यो फिल्म शुक्रबार देशभरका विभिन्न स्टेशनमा हाउसफूल बन्यो । धेरै भन्दा धेरै दर्शकले माया दिए, अनि फिल्म राम्रो लागेको प्रतिक्रिया दिए, मज्जाको अनलाईनले प्राप्त गरेको राजधानी तथा मोफसलका हलहरुको रिपोर्ट यहि बोल्छ ।
महिला टेम्पो ड्राईभरको कथा बोल्ने ‘रामप्यारी’मा रेखासँगै आभाष अधिकारी र आश्मा डिसी लिड रोलमा छन् । नयाँ बर्षको छेकोमा प्रदर्शनमा आएको यो फिल्मको पहिलो दिनको बिजनेसलाई मात्रै हेरेर अनुमान लगाउन सकिन्छ कि फिल्मले शनिबारदेखी नयाँ बर्ष आसपासका सबै दिनमा बम्पर बिजनेस गर्नेमा शंका छैन् ।
हेर्नुस्, हलमा रेखाको यस्तो क्रेज देखियो ।
