रुवाएको २ हप्तामै प्रियंकाले हसाँउनेछिन्

‘नाई नभन्नु ल ४’मा रुवाएको २ हप्ता वित्न नपाउँदै अभिनेत्री प्रियंका कार्कीले हसाँउनेछिन् । दर्शकले अभिनेत्रीलाई हेरेर आँसु खसालेको २ हप्ता नवित्दै उनले ‘हाउ फन्नी’ फिल्ममा पेट मिचिमिची हसाँउनेछिन् । निलु डोमा शेर्पाले निर्देशन गरेको यो फिल्ममा प्रियंका अभिनेता राजेश हमालको ठूलो फ्यानको रुपमा देखिएकी छिन् भने उनलाई केकी अधिकारीले साथ दिएकी छिन् । जासुस बन्न चाहने २ यूवतीको कथामा यो फिल्म तयार भएको छ ।

प्रियंंका दर्शकले आफूलाई २ साताको अन्तरमै फरक फरक भूमिकामा देख्न पाउने बताउँछिन् । दर्शकले यसलाई सकारात्मक वा नकारात्मक दुबै तरिकाले लिन सक्ने प्रियंकाको विश्लेषण छ ।

वैशाख १० गतेबाट प्रदर्शनमा आउने फिल्म ‘हाउ फन्नी’लाई लिएर प्रियंका उत्साहित पनि छिन् ।