तेश्रो पटक साहरुखसँग अनुष्का ?

भारतीय क्रिकेट टिमका चर्चित खेलाडी विराट कोहलीसँगको प्रेम र विछोडको चर्चाले अभिनेत्री अनुष्का शर्मा चर्चामा छिन् । तर, पनि उनलाई यो प्रेम जीवनले करिअरमा खासै असर गरेको छैन ।

अनुष्का बलिउडका सर्वाधिक चर्चित ३ खानसँग काम गर्नमा नै व्यस्त छिन् । अभिनेता सलमान खानसँग ‘सुल्तान’ फिल्ममा देखिएका अनुष्का अब अर्का स्टार खान साहरुखसँग देखिने भएकी छिन् । बलिउडमा राम्रो फिल्म बनाउने भनेर चर्चामा रहेका निर्देशक इम्तियाज अलीको कमेडी फिल्ममा अनुष्का र साहरुखको जोडी देखिन लागेको हो ।

यो फिल्मको छायांकन जुनबाट सुरु हुनेछ । योसँग अनुष्काले साहरुखसँग तेश्रो पटक काम गर्न लागेकी हुन् । साहरुख अभिनित फिल्म ‘रब ने बनादी जोडी’बाट आफ्नो करिअर सुरु गरेकी अनुष्काले यसपछि फिल्म ‘जव तक हे जान’मा पनि साहरुखसँग नै काम गरिन् । फिल्मको नाम राखिएको छैन ।