केकीको प्रतिस्पर्धा प्रियंकासँग, असफल भन्दा दुःख लाग्छ

अभिनेत्री केकी अधिकारी नेपाली फिल्म क्षेत्रमा चर्चित छिन् । असफल फिल्मको क्रम नरोकिएपनि केकी व्यस्त छिन् । केकीले अभिनय गरेको फिल्म ‘हाउ फन्नी’ वैशाख १० गतेबाट चल्दैछ । यो फिल्ममा केकी अर्की अभिनेत्री प्रियंका कार्कीसँगै देखिनेछिन् ।

फिल्म र प्रियंकाको बारेमा कुरा गर्दै केकीले केही कुराहरु खोलेकी छिन् । उनले आफ्नो प्रतिस्पर्धा प्रियंका कार्कीसँग भएको बताइन् । प्रियंकासँग आफ्नो नकारात्मक नभएर सकारात्मक प्रतिस्पर्धा भएको केकीको भनाई थियो ।

फिल्म छायांकनको समयमा पनि प्रियंकाले राम्रो काम गर्दा आफूलाई त्यो भन्दा पनि राम्रो काम गरेर देखाउने चाहना हुने केकीले खुलाइन् । निरन्तर असफल फिल्म दिइरहेकी केकीले मानिसले हिट फिल्म खै भनेर सोध्दा दुख लाग्ने सुनाइन् । केकीले आजसम्म खेलेका कुनै पनि फिल्म हिट भएका छैनन् ।