अनमोलको जन्मदिन सुस्मिताका लागि लक्की, फिल्म मिति घोषणा

अभिनेता अनमोल केसी अभिनित फिल्म ‘गाजलु’ले उनको जन्मदिनको अवसर पारेर फस्ट लुक रिलिज ग¥यो । यूवा स्टारको क्रेजलाई मध्यनजर राख्दै जन्मदिनलाई विशेष मानिएको हो ।

अनमोलकी आमा सुस्मिता बमजमले पनि उनी निर्मित फिल्म ‘म त तिम्रै हुँ’को प्रदर्शन मिति तय गरेकी छिन् । अनमोलको जन्मदिनलाई विशेष मान्दै एफडी कम्पनीसँग मिलेर यो फिल्म प्रदर्शन गर्न लागिएको हो । अब यो फिल्म श्रावण ७ गते प्रदर्शनमा आउने भएको छ ।

यो फिल्मलाई श्रीराम महत्तले निर्देशन गरेका हुन् । फिल्ममा अनमोल केसी पनि निर्माता छन् । फिल्मले यूवापुस्ताको कथालाई रोचक तरिकाले उठाएको निर्मात्री सुस्मिताको दाबी छ । फिल्ममा सुस्मिताको साथमा सुशिल काफ्ले, आकाश श्रेष्ठ, जीवन भट्टराई, ज्योत्सना योगी, अनुपम श्रेष्ठ, सुसन खड्काको मुख्य भूमिका छ ।