छवि र दीपकविच जे नहुनु थियो सोही भयो

सर्दा सर्दै आउँदो बर्षको दशैमा पुगेका निर्माता छविराज ओझाको ‘किस्मत २’ लाई चुनौती दिन निर्माता दीपकराज गिरी अगाडि आएका छन् । अफिसियल रुपमा कुनै घोषणा नगरिएपनि निर्माता गिरी, दीपाश्री निरौला र निर्मल शर्माको मुख्य लगानी रहेको फिल्म ‘छक्का पन्जा’ दशैमा रिलिज गर्ने गरि तयारी गरिएको थियो ।

छविले अकस्मात श्रावण २८ गतेबाट फिल्मको प्रदर्शन मिति सारेर असोज २१ अर्थात दशैमा रिलिज मिति पु¥याएपछि दीपकले फेसबुकमा स्टाटस लेख्दै आफुहरु दशैमा फिल्म रिलिज गर्ने तयारीका साथ छायांकन गरिरहेको बताएका छन् ।

छविको फिल्मको प्रदर्शन मिति आउनासाथ दीपक पनि अगाडि सरेका छन् । जसले यो बर्षको दशैमा ठूलो भिडन्त हुनसक्ने देखिएको छ । दीपाश्री निरौलाले निर्देशन गरिरहेको यो फिल्म छविराज ओझाको प्रोडक्शनमा बनेको फिल्म ‘किस्मत २’सँग कडा टक्कर दिन तयार भएको छ ।