साहरुख र भन्सालीको मित्रतालाई फरक पारेन फिल्म जुधाइले

बलिउड अभिनेता साहरुख खान र निर्देशक संजयलिला भन्सालीको मित्रतालाई यी दुइको फिल्म जुध्दा देखिएको लफडाले कुनै असर गरेन । डिसेम्बर १८ मा साहरुखको निर्माण तथा अभिनय रहेको फिल्म ‘दिलवाले’ र संजयलिला भन्सालीको निर्माण एवं निर्देशन रहेको फिल्म ‘बाजिराओ मस्तानी’ जुधेका थिए । फिल्म जुधेपछि यी दुइको सम्बन्धमा दरार आएको चर्चा पनि थियो ।

तर, सोमबार भारतको ‘राष्ट्रिय फिल्म पुरस्कार’मा उत्कृष्ट निर्देशकको अवार्ड जितेपछि संजयले आफ्नै घरमा पार्टी राखेका थिए । सो पार्टीमा बलिउडका चर्चित अभिनेता र अभिनेत्री पनि पुगे । तर, साहरुखको उपस्थिती भने विशेष रह्यो ।

साहरुख भन्सालीलाई वधाई दिन उनकै घर पुगेका थिए । भन्सालीको निर्देशनमा बनेको फिल्म ‘देवदास’ले साहरुखलाई अर्को उचाइमा पु¥याएको थियो ।