‘मेरी बास्सै’मा फर्किए ‘धुर्मुस र सुन्तली’

नेपाल टेलिभिजिनमा रोकिएका हाँस्य सिरियलहरुको प्रशारण धमाधम सुरु भैरहेको छ । अब, चर्चित हाँस्य सिरियल ‘मेरी बास्सै’ पनि पुरानै समय मंगलबार प्रशारण हुने भएको छ ।

यो सिरियल ७ महिनादेखि रोकिएको थियो । यसको निर्माण कम्पनी मिडिया हबसँग आर्थिक लफडा भएपछि यसका निर्देशक सिताराम कट्टेल र कलाकार कुञ्जना घिमिरले सिरियल बन्द गरेका थिए । यसपछि, केही समय सिरियल पुरानै भागमा प्रशारण भएको थियो ।

अब भने यो सिरियल नयाँ ढंगले आउने भएको छ । र, यो सिरियलका निर्देशक तथा कलाकार सिताराम कट्टेल र कलाकार कुञ्जना घिमिरे पनि फर्किएका छन् । सितारामका अनुसार पुरानो हिसाब बाँकी नै छ । तर, छायांकन खर्च बेहोर्न र अन्य आर्थिक कुरा पनि मिलेपछि आफूहरु फर्किएको सितारामको भनाई छ । आउँदो मंगलबार नै यो सिरियलमा यी दुई चर्चित अनुहार देखिनेछन् । यो हप्ता बेलायती राजकुमार ह्यारीको नेपाल भ्रमणलाई रोचक तरिकाले देखाइनेछ ।