‘रोमियो’ कलाकार फाइनल, श्रद्धा र ओसिमासँग हसन देखिने

अभिनेता हसनराजा खानले आफ्नै ब्यानरमा निर्माण हुन लागेको फिल्म ‘रोमियो’का लागि मुख्य कलाकार पक्का गरेका छन् । फिल्मको शिर्ष भूमिकामा हसन आफै देखिनेछन्  एचआरके प्रोडक्शनको ब्यानरमा निर्माण हुन लागेको यो फिल्ममा अमिर अलीको प्रस्तुती रहनेछ भने नारायण पुरी कार्यकारी निर्माता हुनेछन् । फिल्मलाई सुमन घिमिरेले निर्देशन गर्दैछन् ।

फिल्ममा मुख्य दुई अभिनेत्रीको रुपमा श्रद्धा प्रसाई र ओसिमा बनु देखिने भएका छन् । यी दुबैको भूमिका बराबर रहेको हसनको भनाई छ । अप्रिल २६ मा परेको ओसिमाको जन्मदिनमा यो फिल्मको अफिसियल घोषणा गर्ने कार्यक्रम पनि तय भएको छ ।

यसपछि फिल्मको छायांकन सुरु हुनेछ । फिल्मका लागि कलाकारको वर्कशप अब सुरु गरिने हसनले जानकारी दिएका छन् ।