कट्रिनालाई छाडेपछि दीपिकासँग नजिक रणवीर

बलिउड जोडीको प्रेम छुट्नु र मिल्नु जापानमा भूकम्प आएजस्तै हो । यस्तो कुरा छिनछिनमै भैरहन्छ । अब, अभिनेत्री दीपिका पादुकोण र अभिनेता रणवीर कपुरलाई नै हेरौ न ।  अभिनेत्री पादुकोणलाई छाडेर कट्रिनाको अंगालमो वाधिएका रणवीर अहिले फेरि उनै पादुकोणसँग नजिक भएका छन् ।

कट्रिनालाई छाडेपछि एक्लिएका रणवीर दीपिकासँग नजिक छन् । हालैमात्र अमेरिकाको एलएमा दीपिकालाई भेट्न रणवीर पुगेको खबर छ । दीपिका अमेरिकामा हलिउड फिल्मको छायांकन गरिरहेकी थिइन् । सोही समयमा पुगेका रणवीरले उनीसँग रमाइलो पल बिताएका थिए ।

दीपिका पनि केही हप्ता अगाडि जतिबेला मुम्बई केही घन्टाका लागि आएकी थिइन्, रणवीर कपुरलाई भेट्न भुलेकी थिइनन् । दीपिकाले रणवीरसँगको नजिक सम्बन्धको बारेमा खुलेरै कुरा गरेकी थिइन् । फेरि दीपिका रणवीर सिंहसँग पनि प्रेममा छन् । आखिर, उनको चक्कर कता के हो वुझ्न नै गाह्रो ।