आर्यनले जुरुक्कै बोके रेखालाई(फोटो फिचरसहित)

अभिनेत्री रेखा थापाले मंगलबार फागू पूर्णिमाको अवसर पारेर दिल खोलेर होली खेलिन् । टीभी फिल्मीले आयोजना गरेको होलीमा सहभागी हुन पुगेकी रेखाले काठमाण्डौको महारागञ्जस्थित रेड स्टूडियोमा फिल्म ‘के म तिम्रो होइन र’को निर्माणपक्षसँग मिलेर होली खेलिन् ।

होलीको अवसरमा रेड स्टूडियोको प्राङ्गणमा आयोजना गरिएको होली विशेष कार्यक्रममा एक रोचक दृश्य देखियो । चलचित्र ‘के म तिम्रो होइन र’का अभिनेता आर्यन अधिकारीले सुरुमा त रेखासँग पिच्करीमा होली खेलिरहेका थिए । तर, पछि एकाएक आर्यनलाई खै के भयो कुन्नी । आर्यनले हाफ पाइन्ट लगाएकी रेखालाई जुरुक्कै उठाएर फनफनी घुमाए ।

रेखालाई बोक्ने हिम्मत अरु कसैले गरेका थिएनन् । तर, सिक्स प्याक बनाएर चर्चामा आएका आर्यनले भने रेखालाई जुरुक्कै उठाएर फनफनी घुमाइदिए । रेखा पनि आर्यनको अंगालोमा दंग देखिइन् ।जेहोस्, रेखा र आर्यनको जोडी गजबकै देखिएको थियो । यो जोडीले अर्को नयाँ फिल्म खेलेमा अनौठो नमान्दा हुन्छ ।